Landsblikk ehf. var stofnað árið 2019 og sérhæfir sig í loftræstikerfum og alhliða blikksmíði. Fyrirtækið sinnir meðal annars klippingu og beygju á plötum, sérsmíði og fjölbreyttum verkefnum fyrir byggingariðnaðinn.

Landsblikk er vel tækjum búið og hefur aðstöðu að Völuteigi 21D í Mosfellsbæ. Fyrirtækið leggur áherslu á fagleg vinnubrögð, vönduð verk og áreiðanlega þjónustu.

Viðskiptavinir Landsblikks eru meðal annars stórir og öflugir byggingarverktakar, þar á meðal Reir Verk, Framkvæmdafélagið Arnarhvoll, Gunnar Bjarnason ehf., JE Skjanni, GG Verk ehf. og AL Verk ehf.

Hjá Landsblikki starfar öflugur og samhentur hópur fagmanna sem býr yfir mikilli þekkingu og áralangri reynslu í blikksmíði og loftræstingu. Starfsmenn fyrirtækisins hafa margir starfað lengi hjá félaginu og leggja metnað sinn í að skila hverju verki af fagmennsku og í samræmi við þarfir viðskiptavina.

Guðni Ásgeirsson er blikksmíðameistari og tæknimenntaður. Hann býr yfir víðtækri reynslu og þekkingu á sviði blikksmíði, loftræstingar og sérsmíði.